السلام عليكم ورحمه الله وبركاته
لقد شرفني الشاعر / محمد بن حليلان بدعوته الى هذا المتتدى الرائع والجميل
ويسعدني انضمامي اليكم وارجوا ان تحوز مشاركتي على اعجابكم
ياريح يالي تجلبين الاعاصير=غرك ربيع الوقت ولا خريفه
في جيتك غرقت جميع البوابير=حتى البحر موجه غدى فيه خيفه
والذل شفته في عيون العصافير=وانتي قويه واجنحتها خفيفه
والزرع لجلك صاحبه ما جنى خير=يبست محاصيله وكانت مريفه
لو نسئلك ياريح ليه المخاسير=جوابك ان الارض ماهي نظيفه
ياريح عيبك ماتحسين بالغير=عينك عن اوجاع الخلايق كفيفه
لا تحسبين انغام صوتك مزامير=وانسام ليلك كلبيها لطفيه
ياريح عذرك لجدب الماء من البير=واجب تسوقين الغيوم الكثيفه
اغيوم ماطرها سيوله محادير=يجلب حياة الارض عقب النكيفه
وان كان عذر الريح كلمه مقادير=والوقت ربعه مايساوي نصيفه
باقول مهما صار ياريح ويصير=تبقين قدم اطويق دايم ضعيفه
الريـــــــــح 
